Түркия бидай ұны экспортында 10 жылдан бері бірінші орында

Дүниежүзілік банктің соңғы деректеріне қарасақ, Түркия 2022 жылдан бастап 10 жыл бойы бидай ұны экспортында бірінші орында тұр.

Түркия 2013 жылы 2,1 миллион тонна бидай ұнын экспорттаса, бұл саладағы экспорт 2016 жылға дейін үздіксіз артып, 3,5 миллион тоннаға жетті.

2017-2021 жылдар аралығында экспортта төмендеу байқалғанымен, бұл Түркияның жаһандық экспорттағы көшбасшылығына әсер еткен жоқ. 2022 жылы экспорт 3,1 миллион тоннаны құрады.

Осылайша Түркия 2013-2022 жылдар аралығында бидай ұны экспортында тұрақты түрде бірінші орында болды.

Аталған кезеңде экспорт 43,8 пайыз өсті. Экспортта көзге түскен басқа елдер Қазақстан, Германия, Өзбекстан, Аргентина және Үндістан болды.