Израилдиктер туткундарды алмаштыруу келишимин жана Нетаньяхунун кызматтан кетишин талап кылышууда

Израилдиктер Газа тилкесинде ок атышууну токтотууну, туткундарды алмаштыруу келишимин түзүүнү жана премьер-министр Беньямин Нетаньяхунун өкмөтүнүн отставкасын талап кылган демонстрацияларды өлкө боюнча өткөрүштү.

Нетаньяхунун өкмөтүнө каршы ишемби сайын уюштурулган нааразылык акциялары бул аптада да кеңири катышуу менен уланды.

Он миңдеген киши нааразылык акцияларын кайталап, Газага кол салуулардын токтобоосу жана туткундардын кайтарылышы боюнча саясий эрктин кайдыгерлигин сынга алып, өлкөнүн тарыхындагы «эң улутчул өкмөттүн» кызматтан кетишин жана эрте шайлоо өткөрүүнү талап кылышты.

Өкмөттүн отставкасын жана туткундардын кайтарылышын талап кылган демонстрациялар Тель-Авив, Хайфа, Бируссеби жана Батыш Кудста, ошондой эле Нетаньяхунун резиденциясы жайгашкан түндүктөгү Кесария шаарында жана өлкөнүн ар кайсы аймактарында өттү.

Нааразычылык акциясынын борбору он миңдеген израилдик чогулган борбор шаар Тель-Авивде жана Нетаньяху өкмөтүнүн сот тартибине каршы чыккан демонстрациялардын символу болгон Каплан көчөсү полиция тарабынан темир тосмолор менен жабылды.

Газа тилкесиндеги израилдик туткундардын жакындары да Коргоо министрлигинин алдында Нетаньяху жана ал жетектеген өкмөттү сынга алышты.

Митингчилер туткундарды тезирээк үйлөрүнө кайтарууга чакырышты.

Нетаньяху Израиль жана эл аралык коомчулук тарабынан саясий себептерден улам Хамас менен туткундарды алмашуу келишимин түзбөгөндүгү менен айыпталууда.

Египет менен Катардын ортомчулугунда даярдалган жаңы ок атышпоо жана өз ара туткун алмашуу келишими Каирде талкууланууда. Израиль Хамастын ок атышпоо сунушуна жооп бербестен Каирге делегация жибербей турганын жана согушту токтотууга макул эместигин жарыялады.

Хамас болсо кол коюла турган туткун алмашуу келишиминде Газадагы согушту токтото турган туруктуу ок атышпоонун кепилдикке алынышын талап кылууда.