Ğazzädäge cimereklär Ukrainadağıdan kübräk
Ğazzä sızığında 37 million tonna cimerek barlığı farazlana
BMO İzrailneñ 7 ay däwam itüçe höcümnäre näticäsendä Ğazzä sızığında barlıqqa kilgän cimereklär häm çüpneñ 2 yıldan artıq Rusiyä belän suğışuçı Ukrainadağıdan artuın belderde. Oyışmanıñ mina êzläw xezmätennän belderülärençä, töbäktä kvadrat metrğa 300 kilo watıq-cimerek turı kilä, bu barlığı 37 million tonna digän süz.
BMO mina êzläw xezmäteneñ Fälästin territoriyäse belän bäyle programması räise Mungo Birç Ğazzädäge cimereklärdä 800 meñ tonnadan artıq asbest barlığın faralıy. “Bu cimereklärneñ şartlamağan qorallar belän bik nıq pıçranğan buluı mömkin, tik andağı başqa yanawlar säbäple çistartunı tağın da butalçıq xälgä kiterä”,-di ul.
Birç şartlatqıçlar häm yaman şeş kiterep çığaruçı ximikatlarğa qarşı çara küräçäklären äytä. Ğazzäne çistartu öçen xäzerge waqıtta 5 million dollar finans çığanaq tabılğan. Tik 12 ay öçen 40 million dollar, Ğazzä xalqı öçen qurqınıçsız bulaçaq tulı çistartu öçen isä 100 million dolardan kübräk aqça kiräk.
