Köçle yawım - töşemnär küçenügä kitergän
Somalida su basu arqasında kim digändä 8 meñ keşe öylären taşlap başqa cirlärgä küçengän
2135382
Somalida soñğı könnärdä köçle yañğır kiterep çığarğan su basu arqasında kim digändä 8 meñ keşe yäşägän cirlären taşlap kitärgä mäcbür bulğan.
Berläşkän Millätlär Oyışmasınıñ Gumanitar êşlärne koordinaśiyäläw ofisı beldergänçä, Somalidağı quätle yawım-töşemnär tormış şartlarına tiskäre yoğıntı yasıy.
İldä 8 meñ keşe öylären taşlap başqa cirlärgä küçengän bulsa, köçle yañğırlarda 7 keşe ğomeren yuğaltqan.
Somali afätlär belän idarä itü agentlığı mäğ’lümatlarına qarağanda, uzğan yılnıñ oktyabr’-dekabr’ aylarında il külämendä su basudan 2 million 400 meñ keşe zıyan kürgän, 110 keşeneñ ğomere özelgän.
Somalidan tış Keniya, Tanzaniya, Burundi häm Kongo da köçle yawım - töşemnär kiterep çığarğan su basudan zıyan kürä.