Törkiyä Fälästinneñ BMOğa äğ'zalığın yaqlıy
İl AQŞnıñ Fälästinne BMOğa aluğa qarşı veto qullanuın tänqıyt'läde
Törkiyä Fälästinneñ BMOğa tulı äğ’zalıq möräcäğatenä “qaqşamas teläktäşlegen” qabat belderde. İlçe Äxmät Yıldız BMO ğomum şurasında Fälästinne qabul itü turındağı qarar ölegesenä AQŞnıñ veto quyuınnan soñ oyıştırılğan cıyılışta çığış yasadı.
“Törkiyä BMO İminlek şurasında veto qullanmaw, Fälästin xalqınıñ qanunlı teläklären çiklämäw kiräklegenä ışana. Bu xäl Ğazzädä İzrail belän “Xamas” arasında kiçekmästän utnı tuqtatu täêmin itelügä dä ayaq çalmasqa tiyeş,”-di Törkiyäneñ BMOdağı daimi wäkile Äxmät Yıldız. İlçe AQŞnıñ vetosınıñ barı Fälästin xalqınıñ telägen genä tügel, İminlek şurasındağı başqa äğ’za illärneñ dä tawışların sanğa suqmawın kürsätüen assızıqladı.
“Oçsız-qırıysız dähşät śiklın bozunıñ berdänber yulı - ike däwlätle çişeleş”,-dide Äxmät Yıldız. Ul qabatlanuçı vetolarnıñ BMOnıñ tözelü prinśiplarına häm Şuranıñ xalıqara tınıçlıq häm iminlekne saqlaw wäqalätenä citdi zarar kiterüen äytte.
