Kipterelgän ciläk - cimeş êksportı arttı
Öç aylıq çitkä satu uzğan yılnıñ şul uq çorı belän çağıştırğanda 29,9%qa kübräk
Törkiyä bıyılnıñ berençe çiregendä 124 il häm irekle töbäkkä 118 meñ 738 tonna kipterelgän ciläk-cimeş êksportladı.
Bu isä uzğan yılnıñ şul uq çorı belän çağıştırğanda 29,9%qa kübräk.
Kön’yaq-könçığış Anadolu êksportçılar assośiyaśiyäse mäğ’lümatlarına qarağanda, ağımdağı yılnıñ ğıynwar-mart ’ aylarındağı êksport il iq’tisadına 497 million 639 meñ dollar tabış kiterde.
Tarmaqnıñ iñ küp êksportlanğan produktı – töşsez yözem.
Örek, kipkän incir, pestä çikläwege dä bik küp satılğan cimeşlär arasında.
Bu çorda iñ küp êksport Awrupa Berlege illärenä başqarıldı.
Älege illärgä 192 million 378 meñ dollar külämendä kipterelgän ciläk-cimeş cibärelde.
Awrupa Berlege illäre arasında berençe urında Germaniya tora.
Amerika Quşma Ştatları, Angliya, Franśiya da Törkiyädän küpläp kipterelgän ciläk-cimeş satıp aluçı illär buldı.
