Törkiyä 8 ayda 205 meñ tonna urman çikläwege sattı

 Törkiyä 2023-2024 êksport sezonınıñ 8 aylıq çorında 205 meñ tonna urman çikläwege sattı.

Milli urman çikläwege şurası häm Giräsun säwdä birjası başlığı Xämzä Bölük beldergänçä, 2023 nçe yılnıñ 1 nçe sentyabrendä başlanğan êksport sezonı 2024 nçe yılnıñ 31 nçe avgustında tämamlanaçaq.

Bölük uzğan sezonda 294 meñ tonna produktnıñ törle illärgä cibärelüen äytte.

”Bıyıl da moña yaqın êksport kötäbez. 21 nçe aprel’gä 205 meñ tonna urman çikläwege satıldı. Monnan soñğı çorda 80-85 meñ tonna êksport tormışqa aşırılır dip ömetälänäbez. Minem uylawımça, älege êksport 1,8 - 2 milliard dollar kerem kiteräçäk”,- dide Xämzä Bölük.