“TRT”gä 60 yıl
“TRT” teleradiokompaniyäse 60 yıllığın qotlıy
Törkiyäneñ “TRT” teleradiokompaniyäse 60 yıllığın qotlıy.
“TRT” törle tellärdäge radio häm televideniye tapşıruları belän Törkiyäneñ tawışın dönyağa citkerä.
Radiolı könnär 1927nçe yılnıñ 6nçı may könne başlandı, Törkiyä annan soñ televideniye belän oçraştı.
1968nçe yılnıñ 31nçe ğıynwar könne Mithatpaşa studiosında berençe sınap qaraw tapşıruları başlandı.
Törkiyä teleradiokompaniyäseneñ nigeze isä 1964nçe yılnıñ 1nçe may könne qabul itelgän qanun belän salındı.
Här çorda üzen yañartuçı häm üz ölkäsendä äydäp baruçı bulğan “TRT” 41 tel häm şivädäge tapşıruları häm TRT Almança, TRT Rusça, TRT Franśuzça, TRT Balkan, TRT Afrika, TRT İspança sanlı xäbär platformaları belän xalıqara täräqqıyätlärne dönya cämäğätçelegenä citkerä.
Bügenge köndä TRT televideniye häm radio kanalları, xalıqara tapşırular ğailäse belän cide qıytğağa barıp ireşkän matbuğat êşçänlegen başqara.
60 yıllıq täcribä belän döres häm tarafsız jurnalistikanıñ berdänber adresı “TRT” törek xalqınıñ tawışı bulırğa däwam itä.
Şul arada “TRT” 60 yıllığın maxsus çaralar häm tapşırular belän qotlıy.
“TRT”dän yasalğan belderügä kürä, başqala Änkarada oyıştırılğan çaralar belän ber rättän televideniye häm radio kanallarındağı tapşırular belän “TRT”neñ tözelüeneñ yıllığı bilgeläp uzıla.
