"Bezneñ ber genä maqsatıbız bar – ul Netan’yaxu xökümäten utnı tuqtatuğa mäcbür itü"

 Törkiyä ilbaşı Räcäp Tayyip Ärdoğan İstanbulda Möstäqıyl’ sänäğat’çelär häm êşmäkärlär cämğıyäteneñ idarä şurasın qabul itte.

Ul oçraşuda yasağan çığışında İzrailneñ Ğazzägä höcümnärenä dä tuqtaldı.

 Ardoğan Törkiyäneñ Ğazzägä yaqınça 50 meñ tonna gumanitar yärdäm cibärep dön’yada berençe urında toruın äytte.

Törkiyä ilbaşı İzrailne utnı tuqtatu häm gumanitar yärdäm külämen arttıruğa mäcbür itü maqsatınnan qayber kommerśiya çaraları kürülären, İzrail belän êksport häm importnı tuqtatuların belderde.

“Şunı belegez: bez üz töbägebezdä ber il belän dä doşmanlıq yäki konflikt telämibez. Bez töbägebezdä qan, küz yäşe kürergä telämibez. Monda bezneñ ber genä maqsatıbız bar – ul Könbatışnıñ şartsız xärbi häm diplomatik yärdäme belän kontrol’dän çıqqan Netan’yaxu xökümäten utnı tuqtatuğa mäcbür itü. Ägär utnı tuqtatu iğ’lan itelsä, Ğazzägä citärlek külämdä gumanitar yärdäm kertügä röxsät itelsä, maqsatqa ireşkän bulırbız. Törkiyäneñ bu adımı xäzerge wäzğıyät’  öçen borçılğan başqa illär öçen ürnäk bulaçaq”,- dide Törkiyä ilbaşı Räcäp Tayyip Ärdoğan.