Bügen Törkiyädä 23 nçe aprel' - Milli möstäqıyl’lek häm balalar bäyräme bilgeläp ütelä

Bügen Törkiyädä Böyek Millät Mäclese açılu häm olı yulbaşçı Mostafa Kämal Atatörek balalarğa büläk itkän 23 nçe aprel -‘ Milli möstäqıyl’lek häm balalar bäyräme bilgeläp ütelä.

Törkiyä Cömhüriyäten qorudağı iñ zur adım näq’ menä 104 yıl êlek yasala.

Böyek Millät Mäclese cıyıla. Anadolu suğıştan soñ bik arğan bula.

Mäcles açılğaç xalıq Mostafa Kämal Atatörek citäkçelegendä üz yazmışın bilgeläw öçen adım yasıy. Monnan soñ xakimiyät şartsız räweştä xalıqnıqı bula.

23 nçe aprel’ ber ğasırdan artıq bäyräm bularaq qotlana.

Parlament 1920 nçe yılnıñ 23 nçe aprelendä Änkarada comğa namazınnan soñ doğalar belän açıla.

Ul berençe könne 115 wäkil belän cıyıla. Açılış çığışın iñ olı äğ’za Sinop xalıq ışanıçlısı Şärif bäy yasıy.

Ğazıy Mostafa Kämal bertawıştan yaña parlament başlığı itep saylana.

Änkarada yaña däwlätneñ nigeze salına.

Barlıq qıyınlıqlarğa qaramastan bäysezlek öçen köräştä milli iradä östenlek itä.

23 nçe aprel’ 1921 nçe yılda bäyräm itep qotlana başlıy.

Böyek yulbaşçı Atatörek bu bäyrämne 1929 nçı yılnıñ 23 nçe aprelendä balalarğa büläk itä.

Atatörekneñ anı balalarğa bağışlawınıñ säbäbe balalarğa bulğan mäxäbbäte genä tügel.

Ğazıy Mostafa Kämal balalarnı milli möstäqıyl’lekneñ nigeze itep kürä.

Yätim qalğan balalar turında qayğırtu cömhüriyätkä nigez saluçılarnıñ iñ möhm mäs’äläläreneñ berse bula.

Bäyrämne balalarğa bağışlaw keşelekneñ alar aldındağı cawaplılığın kürsätä.

Atatörekneñ balalarğa büläge dön’yada da yuğarı bäyälänä.

Ul balalarnıñ xoquqları häm kiläçäge öçen ürnäk qarar bulıp tarixqa kerä.