Xaqan Fidan Gambiya ilbaşı belän oçraştı

 Törkiyä tışqı êşlar ministrı Xaqan Fidan Banjulda Gambiya ilbaşı Adama Bêrrou belän oçraştı.

Ministrlıqnıñ “X” sośial’ media platformasındağı belderügä qarağanda, İslam xezmättäşlek oyışmasınıñ 15 nçe İslam sammitında qatnaşır öçen Gambiyägä kilgän Xaqan Fidannı ilbaşı Adam Bêrrou qabul itte.  

Törkiyä ministrı şulay uq Gambiyädäge törek şirkätläre wäkilläre belän dä oçraştı.

İslam xezmättäşlek oyışmasınıñ 15 nçe İslam sammitı 4-5 may könnärendä Gambiya başqalası Banjulda uza.

Sammitta İzrailneñ Ğazzägä höcümnären tiz arada tuqtatu häm daimi çişeleş öçen konkret adımnar yasaw maqsat itep quyıla.