"ABŞ nüvə sazişi ilə bağlı məsələləri müzakirə etmək haqqına sahib deyil"

  İran Xarici İşlər Nazirliyi 2018-ci ildə çıxdığı nüvə sazişinə yenidən daxil olmağa çalışan Amerika Birləşmiş Ştatlarının (ABŞ) müqaviləyə dair məsələlərdə söz sahibi olmadığını vurğulayıb.

  ABŞ-ın Hərtərəfli Birgə Fəaliyyət Planı (KOEP) adlanan nüvə sazişindən çıxmasının ikinci ili ilə əlaqədar İran Xarici İşlər Nazirliyi yazılı bəyanat yayıb: "KOEP-ə nifrət edən ABŞ müqaviləni tərk etdi və pozdu. Bununla yanaşı, razılaşmaya əməl edənləri cəzalandırmağa çalışır. ABŞ nüvə sazişi ilə bağlı məsələləri müzakirə etmək iqtidarında deyil”.

  Qeyd edək ki, 2015-ci ildə İran, ABŞ, Rusiya, Çin, Fransa, İngiltərə və Almaniya arasında (P5 + 1) İran nüvə fəaliyyətinə dair müqavilə imzalanmışdı. Müqavilə BMT Təhlükəsizlik Şurasının 2231 saylı qətnaməsi ilə 16 yanvar 2016-cı ildə qüvvəyə minmişdi. ABŞ prezidenti Donald Tramp vəzifəyə gəldikdən sonra rəsmi Vaşinqton 8 may 2018-ci ildə müqavilədən birtərəfli qaydada geri çəkilməklə İrana yenidən sanksiyalar tətbiq etməyə başladı. Digər tərəflərdən ABŞ-ı dayandırmağı xahiş edən, lakin buna müvəffəq olmayan İran 2019-cu ilin iyul ayında nüvə sazişinin bəzi maddələri və 5 yanvar sazişindən irəli gələn bütün öhdəliklərini dayandırdığını elan etdi.