Suriyanın şimalında terror aktı törәdilib, ölәnlәr var

Suriyanın şimalında hәrbi müxaliflәrin nәzarәtindәki Rәsulayn qәsәbәsindә minalanmış avtomobil ilә törәdilәn partlayış nәticәsindә iki nәfәr hәlak olub, 2 nәfәr dә yaralanıb.

Mәlumata görә, hadisә Rәsulayn qәsәbәsinin Mebruke bölgәsinin Tel Cenab kәndindә baş verib.

Hücum nәticәsindә Suriya Milli Ordusunun iki hәrbçisi hәlak olub, 2 nәfәr dә yaralanıb.

Faktla bağlı araşdırma aparan yerli tәhlükәsizlik qüvvәlәri partlayışın  terror tәşkilatı YPG/PKK tәrәfindәn törәdildiyini istisna etmәyib.

Rәsulayn qәsәbәsi 2019-cu ilin 12 oktyabr tarixindә Türkiyә Silahlı Qüvvәlәrinin hәyata keçirdiyi ‘‘Şülh çeşmәsi’’ әmәliyyatı nәticәsindә terrorçulardan tәmizlәnmişdi.

YPG/PKK-nın işğalı altındakı Ayn İsa vә Tel Temır bölgәlәrindәn vaxtaşırı Rәsulayn vә Tel Abyaddakı mülki yaşayış mәntәqәlәrinә hücum edilir.