Aİ Suriyaya tətbiq edilən məhdudlaşdırıcı tədbirlərin müddətini uzadıb

Avropa İttifaqı (Aİ) Şurası Suriyada Əsəd rejiminin və tərəfdarlarının mülki əhaliyə qarşı təzyiqlərinin davam etməsi səbəbiylə tətbiq edilən məhdudlaşdırıcı tədbirlərin 1 iyun 2021-ci ilə qədər uzadılması barədə qərar verildiyini açıqlayıb.
Açıqlamada Aİ-nin Suriyadakı xalqa qarşı zorakılıqda iştirak etdiyi üçün sanksiya siyahısına daxil etdiyi insanların sayının 273 olduğu qeyd edilib.
Səyahətlərinə qadağa qoyulan bu şəxslərin Aİ-dəki əmlakı da dondurulur.
Aİ-nin Suriyada sanksiya tətbiq etdiyi ayrıca 70 qurum var. Suriya Mərkəzi Bankının da aralarında olduğu bu qurumların əmlakları da dondurulur.
Aİ-nin Suriyaya tətbiq etdiyi sanksiyalara sərmayələrin məhdudlaşdırılması, xalqa təzyiq üçün istifadə edilə bilən texniki avadanlıq və texnologiyaların ixracının qarşısını almaq və neft embarqosu daxildir.