"Bu layihələr Türkiyə ilə Rusiya arasında qarşılıqlı etimad və anlaşmaya əsaslanır", F.Dönmez

  Türkiyənin enerji və təbii ehtiyatlar naziri Fatih Dönmez Rusiya səfəri çərçivəsində paytaxt Moskvada "Bərpa olunan enerjinin inkişafında qlobal maneələr və meyllər" toplantısında iştirak edib.

  Burada etdiyi çıxışında enerji layihələrinin diplomatik münasibətlərə təsirini qiymətləndirən Dönmez deyib: “Türk axını” və Akkuyu Nüvə Stansiyası layihələri Türkiyə - Rusiya münasibətlərini yüksək səviyyəyə qaldırıb. Bu layihələr Türkiyə ilə Rusiya arasında qarşılıqlı etimad və anlaşmaya əsaslanır”.

  Nazir iki ölkənin enerji sahəsində möhkəm əlaqə və uzunmüddətli əməkdaşlığa malik olduğunu vurğulayıb.