"Fənarbağça" öz meydanında "Hatayspor"u məğlub edə bilmədi

Sentyabrın 21-də futbol üzrə Türkiyə çempionatının ikinci turunun sonuncu qarşılaşmasında "Fənarbağça" öz meydanında "Hatayspor"u qəbul edib.

Gərgin keçən görüşdə qapılar toxunulmaz qalıb.

"Hatayspor"un heyətində Ruben Ribeyro və İsak Sackey qırmızı vərəqə alaraq komandalarını meydanda azlıqda qoyublar.

Beləliklə, "Fənərbağça" komandası doqquz nəfərlə qalan "Hatayspor"la bacarmayıb.

İkinci turun yekun nəticələrinə əsasən hazırda Türkiyə çempionatında turnir cədvəlində hesabında altı xal olan "Qalatasaray" liderlik edir. Onunla eyni xala malik olan "Alanyaspor" komandası isə ikinci pillədə qərarlaşıb.

Qeyd edək ki, yeni mövsümdə Superliqada 21 komanda yarışır. İkinci turda "Ankaragücü" istirahət edib.