Futbol üzrə Türkiyə Super Liqasının bərpa olunacağı tarix açıqlandı

Yeni növ koronavirus (Covid-19) səbəbilə fasilə verilən futbol liqaları, 12-13-14 iyun tarixlərindəbərpa olunacaq.
Türkiyə Futbol Federasiyasının prezidenti Nihat Özdəmir idarə heyəti toplantısından sonra verdiyi açıqlamada "Mövsümü dövlətimizin dəstəyi ilə başa çatdırmağı planlaşdırırıq" deyib.
"Hələlik əlimizdə fərqli ssenarilər var. Amma hazırkı durumda Superliqa da daxil olmaqla, bütün liqalarımızı 12-14 iyun tarixlərində bərpa etmək qərarına gəlmişik" deyə Özdəmir vurğulayıb.
Özdəmir çempionatı 26 iyulda tamamlayacaqlarına və avqustda Çempionlar Liqasının finalını təşkil edəcəklərinə olan inamını da dilə gətirib.