Miralem Pyaniç ‘‘Barselona’’ klubuna transfer olundu

İspaniyanın  “Barselona” klubu  İtaliya tәmsilçisi  “Yuventus”un 30 yaşlı futbolçusu Miralem Pyaniçi transfer edib.

Bu barәdә ‘‘Barselona’’ klubundan verilәn açıqlamada bildirilib.

Mәlumatda ‘‘Barselona’’ klubunun bu transfer üçün 60 milyon avro ödəyəcəyi bildirilib. “Yuventus” bonuslar da nəzərə alınmaqla daha 5 milyon avro gəlir əldə etmək şansına malikdir.

Qeyd edәk ki, 30 yaşlı futbolçu  ilə 4 illik müqavilə imzalanacaq. “Barselona” ona 400 milyon avro qiymət qoyub.

Qeyd edək ki, “Barselona”nın futbolçusu Artur  Melo  da  “Yuventus”a transfer olunub. “Yuventus” un transfer üçün  72 milyon avro ödəyəcәyi bildirilir.. “Barselona” daha 10 milyon avro da bonuslardan gəlir gözləyir.