Түркияның Текирдағ қаласында орналасқан Қазақ көлі мен Егіз көлін көруге келетін туристердің саны артты

Көктемнің келуімен Түркияның бұл аймағына келетін туристердің саны айтарлықтай артып келеді.

22 Mayıs 2022 23:26

Жағажайға келушілер серуендеп, бақта пикник жасайды. 

Облыстық мәдениет және туризм директоры Ахмет Хаджиоғлының айтуынша, Ковид-19 індеті басталғалы бері адамдар табиғатта көбірек уақыт өткізе бастады.

Қазақ көлі мен Егіз көлі Ыстанбұлға жақын орналасқан. Көлдерден басқа, Кұмбағ, Шаркөй, Сарай аудандарында Канара шатқалы, Кастро, Бақшакөй сияқты көркем жерлер бар.

Табиғатта серуендеуді және демалуды ұнататындар қарағай ормандарын аралап, сарқырамалар және жыл сайын жартастардың арасынан ағатын мөлдір таза бұлақтардың арасында тынығады.