Түріксой Стамбулда керемет концерт өткізді

Түркі әлемінің ұлттық аспаптарынан тұратын Түріксой Халық аспаптары оркестрі 7 қараша күні Стамбулда керемет концерт берді.  Концерт Түріксойға мүше елдердің танымал солисттерінің қатысуымен өткізілді.

Түріксойдың 25 жылдық мерекесі шеңберінде Стамбулда өткізілген концертке Түріксой бас хатшысы Дүйсен Қасейінов, ТР Президентінің бас кеңесшісі және Садақшылар фондының төрағасы Хайдар Али Йылдыз, Стамбул муниципалитетінің төрағасы Мевлүт Уйсал,  Садақшылар фондының өкілетті кеңес мүшесі Билал Ердоған да қатысты.

"2019 - Жапонияда Түркия жылы" аясында болатын Жапония сапары қарсаңында стамбулдық өнер сүйер қауыммен қауышқан Түріксой Халық аспаптары оркестрі Әзірбайжан, Қазақстан,  Қырғызстан,  Өзбекстан, Түрікменстан,  Түркия, Башқұртстан, Хакасия,  Тыва, Якутия, Гагауыз елі және Моңғолстаннан келген ұлттық музыка шеберлері,  солисттер және бишілер көрсеткен өнерімен жұртшылықты тәнті етті.

Залды толтырған өнер сүйер қауым оркестрдің орындауындағы түркі әлемінің бай музыка мәдениеті құрамындағы керемет шығармаларға серік болып,  солисттермен бірге шырқады. Стамбул тұрғындарының жадында көпке дейін өшпейтін із қалдырған концерт 20 қараша күніне дейін Жапонияның 4 қаласында алты рет қайталанады.

Жапония гастролы болса Түріксойға мүше елдердің мәдениет министрлері,  Әзірбайжан, Қазақстан, Қырғызстан, Түрікменстан және Түркияның Жапониядағы өкілетті елшіліктерінің ұйымдастыруымен Юнус Эмре Институты және Садақшылар фондының қолдауымен өткізілуде. 12 елден жиналған 50 өнер қайраткерінен тұратын оркестрдің мүшелері сонымен бірге Токио Өнер университетінің студенттеріне түркі халықтарының би және музыкалық аспаптары тақырыбында шеберлік сабағын да өткізді.