Бейруттағы жарылыста 100 адам қаза тапты

Ливан астанасы Бейрутта болған жарылыстан қаза тапқандар саны 100 адамға жетті.

Ливанның ресми NNA агенттігінің хабарлауынша, Бейрут портындағы жарылғыш заттар салынған 12-ші қоймада өрт шықты. Өрт салдарынан қатты жарылыс болды. Жарылыстың даусы елорда маңындағы аудандардан да естілді.

Оқиға салдарынан 100 адам қайтыс болды, 4 мыңнан астам адам жарақат алды. Зардап шеккендердің арасында 2 Түркия азаматы да бар.

Жарылыста бұрынғы премьер-министр Саад әл Хариридің үйі, үкімет ғимараты, айналадағы ғимараттар, көшелер қирады.  3 қабатты ғимараттың қалдықтарының астында әлі де адамдар болғаны айтылуда.

Полиция бастығы  оқиғаның бұрын тәркіленген жарылғыш заттар салынған қоймада болғанын айтты.

Премьер-министр Хасан Дияб «Осы апатқа жауаптылардан есеп сұралады», - деді.

Елде ұлттық аза тұту жарияланды, сонымен бірге Қорғаныс кеңесі астана Бейрутты апат аймағы деп жариялады.

Бір қызығы, жарылыс Біріккен Ұлттар Ұйымының (БҰҰ) Халықаралық Ливан соты Ливанның бұрынғы премьер-министрі Рефик Харири (2005) қастандығына қатысты сот отырысында өз шешімін жариялайтын7 тамызға бірнеше күн қалғанда болған.