Жаңа туристік пойыз жүретін болды

Түркияның жаңа туристік пойызы «Месопотамия Экспресс» таныстыру турын аяқтады.

19 сәуірде елорда Анкарадан Диярбакырға созылатын бағыт бойынша саяхат әуесқойларына жаңа тәжірибе ұсынатын туристік пойыздың алғашқы сапары алдында таныстыру туры өткізілді.

Турда Анкарадан басталған пойыз Кайсери, Малатия және Элазыгта тоқтап, шамамен 1 күннен кейін Диярбакырға жетті.

Орталық, Шығыс және Оңтүстік-Шығыс Анадолы аймақтарындағы маршрут бойындағы табиғи көріністерді тамашалаған жолаушылар пойыз тоқтаған қалаларды да тану мүмкіндігіне ие болды.