Арменирядан Азербайжандын аскердик турумдарына ок атылды
Бул тууралуу Азербайжандын Коргоо министрлиги маалымат берди.
Азербайжандын Коргоо министрлиги акыркы 24 саатта армян куралдуу бөлүктөрү Азербайжан армиясынын турумдарына 10 жолу ок атканын жарыялады.
Министрликтин билдирүүсүндө чек арадагы Келбежер жана Лачын облустары багытындагы позициялардын Басаргечер, Каракилисе жана Горус облустарындагы армян позицияларынан 6 жолу аткыланганы белгиленди.
Билдирүүдө Орусиянын элементтери убактылуу жайгаштырылган Азербайжан аймагында жайгашкан мыйзамсыз армян куралдуу топторунун Азербайжан армиясынын Келбежер, Горанбой жана Физули провинциялары багытындагы позицияларына мезгил-мезгили менен снайпердик курал жана ар түрдүү калибрдеги курал-жарактар менен 4 жолу ок атканы билдирилди.
Азербайжан армиясында эч кандай персонал жана техника жоготуу болбогону баса белгиленип, ачылган ок атууга жооп кайтарылганы белгиленди.
Билдирүүдө чек арада жана орус элементтери убактылуу жайгаштырылган Азербайжан аймактарында болгон чыңалуунун бардык жоопкерчилигинин Армения башкаруучулугунда экени белгиленди.