Ислам Кызматташтык Уюму Армениянын Азербайжанга кол салуусун айыптады
ИКУнун жазуу түрүндөгү билдирүүсүндө, Арменияга 2020-жылдын 10-ноябрында Азербайжан, Армения жана Орусиянын ортосунда жетишилген келишимге ылайык милдеттенмелерин аткарууга жана мыйзамсыз куралдуу топторду Азербайжан аймагынан чыгарууга чакырык жасалды
Ислам Кызматташтык Уюму (ИКУ) 3-августта мыйзамсыз куралдуу армян күчтөрүнүн Карабахта азербайжандык аскер набыт болгон кол салуусун айыптады.
ИКУнун жазуу түрүндөгү билдирүүсүндө, Арменияга 2020-жылдын 10-ноябрында Азербайжан, Армения жана Орусиянын ортосунда жетишилген келишимге ылайык милдеттенмелерин аткарууга жана мыйзамсыз куралдуу топторду Азербайжан аймагынан чыгарууга чакырык жасалды.
22-23-мартта Пакистандын борбор шаары Исламабадда өткөрүлгөн ИКУ Тышкы иштер министрлеринин 48-сессиясында кабыл алынган чечимге көңүл бурулган билдирүүдө Азербайжан-Армения карым-катнаштарын өз ара таануу жана эки тараптын эгемендүүлүк, аймактык бүтүндүгүнө жана эл аралык таанылган чек араларын урматтоого негизделген нормалдаштырууга чакырганы белгиленди.
Билдирүүдө айтылган кол салууда шейит болгон азербайжандык аскер Анар Казимовдун үй-бүлөсүнө жана жакындарына көңүл айтты.
Азербайжандын Коргоо министрлиги 3-августта Карабахтагы мыйзамсыз Армения куралдуу күчтөрүнүн аткылоосунда бир азербайжандык аскер шейит болгонун билдирди.
Министрликтин билдирүүсүндө, орус элементтери убактылуу жайгаштырылган аймактарда мыйзамсыз армян күчтөрүнүн Лачын аймагындагы азербайжандык позицияларын катуу аткылаганы белгиленген.
