Бейруттагы жарылууда каза болгондордун саны 113кө жетти

Ливандын саламаттыкты сактоо министри Хамад Хасан кечээ Бейрут портунда болгон жарылуудан каза тапкандар 113 адамга жеткенин, 4 миңдей адам жаракат алып, ондогон адамдар дайынсыз жоголгонун жарыялады.

Ливандын президенти Мишель Авн өрт 6 жыл бою кампада кармалып турган 2700 тонна аммоний нитратын жардырды деп билдирди. Авн, жарылууга себеп болгондор жана күнөөлүү адамдардын бардыгы катаал жазага тартыларын убада кылды.

Ливандын Бейрут портунда жарылуудан улам Жогорку Коргоо Кеңеши борбор шаары Бейрутту "кырсык зонасы" деп жарыялады.

Кеңеш ошондой эле борбордо 2 жумага өзгөчө кырдаал жарыялады.

Жогорку Коргоо Кеңешинин президент Мишель Авн менен жолугушуусунан кийин жасалган жазуу түрүндөгү билдирүүдө жарылуу боюнча тергөө комиссиясы түзүлүп, ал комиссия 5 күндүн ичинде отчет даярдай турганы айтылды.

Аскерлер Бейрутта коопсуздукту камсыз кылууну милдеттенип, ички коопсуздук күчтөрүн, бажы, порт жана аэропорттогу куралдуу күчтөрдү, куралдуу коргоо бөлүктөрүн жана өрт өчүргүчтөрдү армиянын көзөмөлүнө өткөрүп берүү чечимин кабыл алышты.

Ливандын премьер-министр Хасан Дияб: «Бүгүн болгон кырсыкка күнөөлүү адамдар жоопко тартылат»,- деди.

Премьер-министр Дияб 2014-жылдан бери портто кармалган  кооптуу кампа тууралуу фактыларды ачыкка чыгара тургандарын айтты.

Окуяны "апаат" деп мүнөздөгөн Дияб, бир тууган өлкөлөрдүн бардыгына Ливанды колдоо жана колдоо үчүн тез жардам берүүгө чакырды. Ливандын баласын жоготкон атага окшош экенин айткан Дияб, мындай оор күндөрдө биримдиктен жана тилектештиктен башка эч нерсе пайда алып келбей турганын айтты.

Ливандын Бажы башкы башкаруучусу Захир, порттогу жарылуучу заттын коркунучтуулугу үчүн сот органдарына 6 жолу кайрылгандарын айтты.

Алар жардыргыч заттарды алып салууну талап кылышканын айтып, бирок эч кандай жооп ала алышпагандарын жактаган Захир, жарылуунун себеби боюнча эксперттердин отчетун күтүп жатышканын айтты.

Захир ошондой эле Бейрут портунда фейерверк барбы же жокпу деген суроого: «Балким фейерверктер болгон окшойт»,- деп жооп берди.

Ливандын Коомдук иштер жана транспорт министри Мишель Нежжар, Бейрут портуна альтернативалуу транспортторго басым жасап, Триполи портунун түндүгүндөгү мүмкүнчүлүктөрү колдонула тургандыгын белгилеп, Сидон жана Сур портторунун мүмкүнчүлүктөрүнө баа берилди.

Окуя болгон жерден Түркия радио жана телеберүү мекемесинин (ТРТ) Араби канылынын кабарчыларынан Ахмед Шалха жана Сабах Ясин абалдарды окуя болгон жерден кабарлап жатты.

Жарылууда, ТРТга кызмат кылган жергиликтүү агенттиктин терезелери жарылып жатканда, айрым чет элдик басма сөз мүчөлөрү жаракат алышты. ТРТ жамаатынын абалы жакшы экени кабарланды.