Имран Хан менен Владимир Путин телефон аркылуу сүйлөштү
Пакистандын премьер-министрлик кеңсесинен берилген маалыматка караганда телефондогу сүйлөшүүдө эки тараптуу карым-катнаштар, айрыкча Ооганстан менен аймактык жана эл аралык маселелер каралды.
Пакистандын премьер-министри Имран Хан менен Орусиянын президенти Владимир Путин телефон аркылуу сүйлөштү.
Пакистандын премьер-министрлик кеңсесинен берилген маалыматка караганда телефондогу сүйлөшүүдө эки тараптуу карым-катнаштар, айрыкча Ооганстан менен аймактык жана эл аралык маселелер каралды.
Пакистандын премьер-министри Хан, Орусиянын президенти Путиндин Мухаммед пайгамбарга акаарат кылуу сөз эркиндиги эмес деген сөздөрүнө ыраазы экенин билдирип, исламофобиянын жек көрүү менен болгон коркунучтуу күчөшүнө жана анын олуттуу кесепеттерине Бириккен Улуттар Уюмунун (БУУ) Башкы ассамблеясынын жыйындарында дайыма басым жасаганына көңүл бурду.
Эки өлкөнүн ортосундагы карым-катнаштардын соода, экономикалык карым-катнаштар жана энергетика тармагындагы кызматташтык менен барган сайын арткан темпте уланып жатканын белгилеген Хан, өкмөттүн Пакистан агымы жаратылыш газ түтүк жолу долбоорунун эң эрте мөөнөттө курулушу үчүн чечкиндүүлүгүн дагы бир жолу кайталады.
Ооганстандагы тынчтык жана ырааттуулуктун аймактык ырааттуулук үчүн маанилүү экенин баса белгилеген Хан, бул өлкөнүн гуманитардык жана экономикалык кыйынчылыктарга туш болгонун баса белгиледи.
Хан бул оор кырдаалда Ооганстанга эл аралык колдоо көрсөтүү зарылдыгына көңүл буруп, Ооганстандын тоңуп калган резервдерин бошотуунун маанилүү экенин белгиледи.
Эки лидер түрдүү тармактарда эки тараптуу кызматташтыкты арттыруу жана Ооганстан маселеси боюнча тыгыз байланышта болууну макулдашты.
Орусиянын Энергетика министрлиги 28-майда Орусия менен Пакистандын ортосунда «Пакистан агымы» аттуу жаратылыш газ куурунун курулушу үчүн келишим түзүлгөнүн жарыялады.
