"Мона Лиза" картинасынын репликасы рекорддук баага сатылды

Франциянын борбор шаары Парижде италиялык сүрөтчү Леонардо Да Винчинин белгилүү "Мона Лиза" картинасынын көчүрмөсү аукциондо 2 миллион 900 миң еврого сатылды.

Бул баа Мона Лизанын көчүрмөсү үчүн дүйнөдөгү эң жогорку баа болду.

17-кылымда жасалган көчүрмөсү биринчи жолу 1953-жылы Франциядагы антиквардык дүкөндө сатылган.

Мона Лизаны сатып алган адам көп жылдар бою анын көчүрмөсүнүн түпнуска экенин айтып келди.

Бирок картинаны карап чыккан эксперттер айтымдардын чындыкка дал келбегенин билдиришти.

11-июнда сатыкка коюлган реплика картина 200-300 миң еврого бааланган.