Түрк деңиз унаасына чет элдиктердин кызыгуусу артты

Түрк полициясы үчүн чыгарылган деңиз унаасы кээ бир чет элдик полиция күчтөрүнүн да көңүлүн бурууда.

Измирдеги бир инженердик фирма Коопсуздук башкы директорлугуна караштуу көп жылдар бою «бака адам» жана «кемечи» болуп иштеген полиция кызматкерлери тарабынан түзүлгөн комиссия тарабынан даярдалган шартка ылайык кайгуул кайыгын курду. Кайыктын курулуш этабында комиссиянын мүчөлөрү көзөмөл милдетин аткарышкан.

Биринчи кайык баалангандан кийин дагы 2 кайык жасалып, Коопсуздукту коргоо башкы башкармалыгы тарабынан Стамбул, Измир жана Анталья командаларына бөлүнгөн.

Көптөгөн миссияларда колдонулган узундугу 15 метр, туурасы 4 метр болгон жылуулук камерасы да бар деңиз унаасы чет элдик полиция мекемелеринин да көңүлүн бурду.

Алгач албан полициясы компания менен байланышып, кайык алуу үчүн буюртма берген. Папуа-Жаңы Гвинея да ушул эле кайык үчүн компания менен келишим түзгөн.

Дүйнөдөгү рейтинг агенттиктери тарабынан «эң мыкты 10 кайыктын» арасында көрсөтүлгөн кайык Австралия жана Румыния полициясынын да көңүлүн бурду.

Компаниянын жетекчилери менен сүйлөшүүлөрдү баштаган Австралия жана Румыния полициясы түрк деңиз полициясы менен да жолугуп, кайык тууралуу маалымат алды.