Түркиянын эмерек экспорту...

Түркия экспортчулар ассамблеясынын Эмерек, кагаз жана токой продуктулары секторунун кеңешинин сандарынан түзүлгөн маалыматка караганда, өлкөнүн экспорту май айында өткөн жылдын тийиштүү айына салыштырмалуу 15,2 пайызга өсүп, 18,9 миллиард долларга жетти жана бардык убактагы эң мыкты май көрсөткүчүнө жетишти.

Эмерек, кагаз жана токой азыктары сектору болсо май айында 22 пайыздык өсүү менен 613 миллион долларлык экспортко жетишти.

Сектордо эң чоң үлүшкө ээ болгон эмерек экспортунун көрсөткүчү 14,4 пайызга өсүп 337 миллион долларга жетти.

Бул маалымат бардык убактагы май айындагы эң мыкты көрсөткүч катары катталган.

Январь-май мезгилине баа берилгенде эмерек, кагаз жана токой буюмдары экспорту 3,32 миллиард долларга жетсе, эмерек тармагында бул көрсөткүч 1,96 миллиард доллар болду.

Май айында эмерек өнөр жайы эң көп экспорт кылган өлкөлөр Ирак, Германия, АКШ, Израиль жана Франция болду. Өткөн айда экспортто эң көп өсүү болгон өлкө 53,5 пайыз менен Катар болгон.