АКШлык белгилүү актер дүйнөдөн кайтты

Америкалык белгилүү актер  Кирк Дуглас 103 жашында дүйнөдөн кайтты.

Белгилүү актердун уулу Майкл Дуглас атасынын өлүм кабарын инстаграм эсебинен жарыялады. Дуглас  билдирүүсүндө : «Бир туугандарым жана мен чоң кайгы менен Кирк Дуластын бүгүн 103 жашында арабыздан кеткендигин жарыялайбыз»,- деди.

Голливуддун эң белгилүү актерлорунан болгон Кирк Дуглас «Спартак», «Жеңиштин жолдору», «Суу астында 20.000 лигалар» жана «Чемпион»  сыяктуу унутулгус кинолордун актеру катары белгилүү.

Үч жолу Оскар сыйлыгына талапкер көрсөтүлгөн Дуглас 1996 -  жылы бул сыйлыкка ылайык көрүлдү.