Итальян академик Жанноттанын президент Эрдоганды түшүндүргөн китеби таанытылды

Түркияда жашаган итальян академик жана жазуучу Валерия Жанноттанын, президент Режеп Таййип Эрдогандын бийликке келишинен берки кызмат мөөнөтүн тема кылган «Эрдоган жана партиясы» аттуу китеби Италиянын борбор шаары Римде таанытылды.

Борбор шаардагы Тышкы иштер министрлигинин имаратында өткөрүлгөн иш-чарада китепти таанытуу жана Түркия менен аймагындагы окуялар каралган панель уюштурулду.

Панелде жазуучу Жаннотта, Италиянын Анкарадагы мурунку эличиси Карло Марсили, тышкы саясат жана коопсуздук адиси Паоло Кверчия менен мурунку соода министри Пьеро Фассино өз өзүнчө сөз сүйлөштү.

Иш-чарага Түркиянын Ватикан элчиси Лютфуллах Гөкташ менен бирге дипломаттар, ишкерлер жана академиктер катышты.

Китептин баш сөзүн жазган мурунку элчи Марсили сөз сүйлөөсүндө: «Бул китеп Түркияны түшүнүүдө маанилүү ролду ойной алат. Пайдалуу жана калыс китеп» деп айтты.

Тышкы саясат жана коопсуздук адиси Кверчия да Жанноттанын китебин, Түркиянын тышкы саясатын түшүнүүдө жардамчы боло турчу эмгек деп сыпаттады.

Мурунку министр Фассино да Жанноттанын китеби үчүн: «Абдан кызыктуу жана пайдалуу китеп болуптур»,-деп айтты.

Панелде акыркы болуп сөз сүйлөгөн Жаннотта өзү жазган китебинде Түркиянын акыркы 20 жылын калыс түрдө түшүндүргөнүн билдирди.