Түркиядагы кино тартуу мүмкүнчүлүктөрү Берлин кино фестивалында таанытылат

Түркиядагы кино тартуу мүмкүнчүлүктөрү Германияда өтө турган 70-Берлин кино фестивалында дүйнөлүк кино индустриясына таанытылат.

Кечээ башталган фестивалдын алкагында уюштурулган European Film Market (EFM), Маданият жана туризм министрлиги менен Босфор маданият искусство фондунун кызматташтыгында даярдалган Түркия павильону, дүйнөнүн төрт тарабынан сектордун профессионалдарын тосот. Биргелешкен чыгарылыштар үчүн маанилүү платформалардан бири болгон фестивалда жаңы проекттердин ишке ашырылышы максаты менен иштер аткарылат.

Фестивалдын 25-февралдагы EFM Landmark платформасынын алкагында Түркияда жаңы күчүнө кирген Кино мыйзамынан кийин ишке ашырылган чет элдик фильм шыктандыруулары жана кино тартуу үчүн камсыздалган мүмкүнчүлүктөр, Министрликтин тийиштүү кызматкерлери тарабынан «Film Opportunities in Turkey» аттуу иш-чара менен дүйнөлүк кино индустриясынын көңүл буруусуна сунушталат.

Берлин кино фестивалынын жаңы өнөрпоздорду тапкан программасы «Berlinale Talents» бөлүмүнө да Түркиядан актриса Эже Йүксел, сценарист  Селда Ташкын, режиссер жана продюсер Эмине Йылдырым тандалды.

Фестивалдын алкагында режиссер Фатих Өзжандын «Маузер», Файсал Сойсалдын «Жаңгак багы» жана Эржан Кесалдын «Буюрса талапкербиз» аттуу кино тасмалары рынокко чыгарылышы үчүн көрсөтүлөт.

Фестивалдын Producers Hub бөлүмүндө болсо «Түркия радио-телеберүү мекемеси (TRT), Co-Productions Fund Presentation & Networking Reception» аталышы менен TRT 12 Punto сценарий күндөрүнүн баяндамасы жасалат.

Берлин кино фестивалы 1-мартта соңуна чыгат.