Түркия Андорраны бир гол менен утту

Европа Футбол чемпионаты тандоо оюндарынын «Н» тайпасынын 5 аптасында ойнолгон оюнда  Түркия Андорраны 1-0 эсебинде утту.

«А» улуттук курама футбол команда өз талаасында Андорраны 89-мүнөттө Озан Туфандын киргизген голу менен 1-0 эсебинде утуп тайпасындагы экинчи орунун сактап калды.

Тайпасындагы 5-оюнунда 4-жеңишине ээ болгон улуттук курама команда баллын 12ге жогорулатты. Ошондой эле баллга ээ болгон Франция орто эсеп менен биринчи, Исландия болсо үчүнчү орунда турат.

Ай-жылдыздуу команда тайпасындагы алтынчы оюнун 10-сентябрь шейшемби күнү атаандаш талаасында Молдова менен ойнойт.

Тайпасындагы 5 оюнду тең уттурган Андорра баллсыз тизменин эң акырында орун алды.

Андорраны 89-мүнөттө киргизген голу менен уткан ай-жылдыздуу команда беттешүүнүн акырында чоң кубанычка бөлөндү.

Стамбул Водафон парктагы беттешүүдөн кийин жаштар жана спорт министри Мехмет Мухаррем Касапоглу, Түркия футбол федерациясынын башчысы Нихат Өздемир менен бирге чечинүүчү бөлмөгө барган президент Режеп Таййип Эрдоган, машыктыруучулар жана футболчулар менен бир бирден саламдашып куттуктады.