Түркия чек арага кошумча күч жөнөттү

Түрк куралдуу күчтөрү тарабынан Сирия чек арасындагы аскердик бөлүктөргө зооттолгон унаалар менен кошумча күч жөнөтүлдү.

Түркиянын ар кайсы бөлүктөрүнөн жөнөтүлгөн десанттарды ташыган зооттолгон унаалардан турган конвой Килиске жетти.

Коопсуздук чаралары астында шаардын борборунан өтүп «Өнжүпынар» чек ара бекетине барган конвой андан соң чек араны көздөй бет алды.

Десанттар менен унаалардын Сирия чек арасында жайгашкан аскердик бөлүктөргө кошумча күч катары жөнөтүлгөндүгү кабарланды.