Aliyev Ärdoğanğa räxmät xatı cibärde

Azärbaycan ilbaşı İlham Aliyev koronavirus belän köräşkä öleş kertü maqsatınnan Törkiyädän cibärelgän mediśina êşlänmäläre öçen ilbaşı Räcäp Tayyip Ärdoğanğa räxmäten citkerde. “Barlıq tarmaqlardağı şikelle Kovid-19 belän köräştä dä Azärbaycan häm Törkiyä “ber millät-ike däwlät” şiğarenä tayanıp yärdämläşüen kürsätä. Urtaq tırışlıq belän koronavirusnı ciñäçägebezgä ışanam,”-diyelä Aliyevnıñ xatında.

Azärbaycan ilbaşı idaräsennän yasalğan belderügä qarağanda, Aliyev Ärdoğanğa cibärgän xatında Törkiyädä Kovid-19 säbäple ğomere özelüçelärneñ ğailä häm yaqınnarınıñ qayğısın urtaqlaşa, awırularğa şifa teli.

İlbaşı Ärdoğan qararı belän Azärbäycanğa 30 üpkä ventilyatorı, 55 meñ kombinezon, 50 meñ N95 bitlege, 100 meñ xirurg bitlege, 5 meñ saqlawçı küzlek, 200 meñ perçatka häm 40 meñ qap törle medikamentlar cibärelde.