Aliyev: "Törek xalqına söyüem ser tügel"

İlham Aliyev şähit ğailälärenä häm ğazıylärgä-veterannarğa däwlät tarafınnan öy häm maşinalar birelgän tantanada çığış yasadı. 

Ärmänstan ğaskäreneñ 12nçe iyül’dä ilenä qarşı höcümenä tuqtalıp uzuçı Aliyev bu mäs’älädä Azärbaycanğa berençe yaqlawnıñ Törkiyädän yasaluın äytte.

İlbaşı Ärdoğannıñ Azärbaycanğa açıq räweştä yaqlaw kürsätüen häm Azärbaycannıñ yanında buluın assızıqlawçı Aliyev: "Ärdoğan ike qardäş ilneñ gel bergä bulaçağın äytte. Bu yaqlaw öçen qardäşemä tirän räxmätläremne citkeräm. Bu könnärdä daimi êlemtädä torabız. Miña şaltırattı, yaqlawın belderde häm şähitlärebez öçen qayğı belän urtaqlaştı. Axırğaça bergä bulaçağıbıznı äytte”, - dip belderde.

Törkiyä häm Azärbaycan qadär ber-bersenä bu çaqlı yaqın başqa illär bulmawına basım yasawçı Aliyev: "Min dä härwaqıt iptäşem häm qardäşem Ärdoğanğa zur ixtiram xis itäm. Törek xalqına bulğan söyüem ser tügel. Şul uq waqıtta Törkiyäneñ başqa yuğarı däräcäle citäkçeläre, saqlanu ministrı, tışqı êşlär ministrı, xalıq ışanıçlıları da Azärbaycanğa tulı yaqlawların belderde”, - dip äytte.