Ärmänstan bügen Laçınnan kitärgä tiyeş

Ärmän köçlärenä Tawlı Qarabaxtağı Laçın töbägen Azärbaycanğa tapşıru öçen säğat'lär qaldı

1536868
Ärmänstan bügen Laçınnan kitärgä tiyeş

Ärmänstannıñ 1992nçe yılda bsıp alğan Laçın töbägen Azärbaycanğa kire tapşıru waqıtı bügen tula. İke arada Rusiyä aradaşçılığı belän imzalanğan utnı tuqtatu kileşüe nigezendä, monnan alda Kälbäcär häm Ağdam buşaltıldı. Laçınnı birü cirle waqıt belän 24 säğat’kä qadär tormışqa aşarğa tiyeş.

Ärmänstan köçlärennän tış töbäkkä soñınnan qanunsız räweştä cirläşterelüçelär bar. Alarnıñ da Laçınnan kitüläre öçen bügen soñğı kön.

Töbäk Ärmänstan çige yanında urnaşqan. Ul Tawlı Qarabax belän Ärmänstan arasında berdänber yul bulğan Laçın koridorınıñ strategik ähämiyätle buluı arqasında 90nçı yıllardağı suğışta ärmän köçläreneñ berençe maqsatlarınnan ide.

Töbäk başqalası, 1 şähärçek häm 125 awılnı berläşterüçe Laçında Ärmänstan basıp alğanğa qadär 65 meñnän artıq azärbaycanlı yäşi. Ä menä ärmännär anda soñınnan ğına kilep urnaşa.  

Azärbaycan armiyäseneñ 27nçe sentyabr’dä başlanğan operaśiyäsendä 5 qala üzäge, 4 kasaba häm 286 awıl qotqarıldı. Ärmänstan ciñelüen qabul itte häm solıx kileşüen imzaladı. Anıñ nigezendä ärmän köçläre Ağdam, Laçın häm Kälbäcär töbäklären buşatırğa tiyeş.

Ärmänstan armiyäse 20nçe noyabr’dä Ağdamnan, 25endä Kälbäcärdän çigende.



Bäyläneşle xäbärlär