Ärmänstannı qorallandıralar
İlham Äliyev qayber däwlätlärneñ Ärmänstannı Azärbaycanğa qarşı qorallandıruın häm moña küz yommayaçaqların belderde
Azärbaycan däwlät başlığı İlham Äliyev Franśiya, Hindstan häm Greśiyäneñ Ärmänstannı qorallandıruın äytep: “Üzebezgä qarşı citdi yanaw sizsäk, tiyeşle çaralar kürergä mäcbür bulaçaqbız”,-dide. Ul başqala Baqıda ADA universitetında uzğan “Azärbaycan öçen Yäşel küzallaw” fip ataluçı xalıqara forumda qatnaşıp çığış yasadı.
Äliyev anda Ärmänstan belän solıx kileşüe imzalaw öçen alıp barılğan söyläşülärgä tuqtaldı. “Solıx kileşüen imzalawğa monarçı bulmağan qadär yaqınlaştıq. Barı detal’lärne çişäse qaldı. Tik, älbättä, ike yaqqa da waqıt kiräk,”-dide ul.
Äliyev Ärmänstannıñ yaña qorallar satıp aluın da iğ’tibarsız qaldıqmadı. “Franśiyä, Hindstan häm Greśiyä anı bezgä qarşı qorallandıra. Monı açıq räweştä êşlilär häm xätta bezgä närsäder isbatlarğa mataşalar. Bez kötep utırmayaçaqbız. Monı Ärmänstan xökümätenä häm bügen Ärmänstanğa xuca bulırğa mataşuçı yaqlarğa citkerdek,”-dip söyläde Azärbaycan ilbaşı.
