"Atambayev Konstituśiya häm qanunnarnı boza”

Bu xaqta Qırğızstan ilbaşı Sooronbay Cäänbäkov beldergän

18 Eylül 2019 07:21

 

 Qırğızstan ilbaşı Sooronbay Cäänbäkov êlekke ilbaşı Almazbäk Atambayevnıñ Konstituśiya häm qanunnarnı bozuın beldergän.

İlbaşı idaräseneñ matbuğat üzäge beldergänçä, bügen Cäänbäkov räislegendä iminlek şurası cıyılışı uzğan.

Däwlät başlığı biredä yasağan çığışında Almazbäk Atambayevnıñ qanun nigezendä tikşerü çaraların ütäwgä qarşı çığıp Qırğızstan Töp Qanunı häm başqa qanunnarnı bozuına basım yasağan.

Cäänbäkov Qırğızstannıñ qanun däwläte buluın assızıqlap , barlıq watandaşlarnıñ qanunnarnı ütäwen täêmin itüneñ däwlätneñ wazıyfası buluın citkergän.

Qırğızstan ilbaşı xoquqnıñ östenlegen täêmin itü, tınıçlıq häm iminlekne saqlap qalu öçen tiyeşle çaralar kürü kiräklegen beldergän.