Atambayevnıñ öyenä ikençe operaśiyä

Qırğızstan iminlek köçläre êlekkege ilbaşı Almazbäk Atambayevnı saq astına alu öçen ikençe tapqır operaśiyä başladı. Töşke säğat’lärdä anıñ başqala Bişkäkneñ kön’yağındağı Çuy rayonına bäyle Koy-Taş awılında urnaşqan öye qarşına kittelär.  

Waqıyğanıñ şahitläre süzenä qarağanda, kiçä tönlä totıq itep alınğan 6 iminlek saqçısı irekkä cibärelä häm xökümät köçläre tawış bombası qullanıp Atambayevnıñ öye territoriyäsenä kerä.

Sośial’ mediada çıqqan foto häm videoda operaśiyädän alda Atambayevnıñ yortı yanında yözlärçä keşeneñ iminlek köçlärenä qarşılıq kürsätüe kürenä. Aralarında xatın-qızlar da küp.  

Operaśiyä başlanğannan son poliśiyä Koy-Taş awılına kerüçe yullarnı yaptı, êlekkege ilbaşınıñ öye urnaşqan urınğa cäyäwle häm texnika ütügä röxsät birelmäde. Cirlektä kesä telefonı häm internet êlemtäse dä özelde. Atambayevqa teläktäşlek kürsätergä teläwçelär belän poliśiyä arasında bäreleşlär bulıp aldı.

Êlekkege ilbaşın ikençe operaśiyädä iminlek köçläre saq astına aluğa ireşte.

Qırğızstannıñ xäzerge ilbaşı Sooronbay Cäänbäkov parlament räise Dastanbäk Cumabäkov citäkçelegendä ğadättän tış cıyılğan mäcleskä möräcäğat’ itte. Ul üzeneñ Atambayev belän şäxsi problemaları bulu turındağı tänqıyt’läwlärgä qarata bolay dide: “Bu ike keşeneñ bäxäse tügel. Bu şäxsi mänfäğat’lären däwlätnekennän östen quyğan ber keşeneñ qarşılığı belän xoquqnıñ köräşe”.

Atambayev häm yärdämçeläre uzğan kiç bulğan operaśiyädä iminlek köçlärenä nıq qarşılıq kürsätte. Anda 1 iminlek xezmätkäreneñ ğomere özelde. Rayon poliśiyä bülege başlığı yaralanıp komağa kerde.

Êlekkege ilbaşınıñ öyen saqlawçılar belän iminlek köçläre arasında çıqqan bäreleştä 45 keşe yaralandı.        

Atambayevnıñ qağılğısızlığı parlament tarafınnan 27nçe iyün’dä beterelde.