Azärbaycan häm Ärmänstan tışqı êşlär ministrları Parijda küreşkän

Azärbaycan  tışqı êşlär ministrı Êlmar Mämmädyarov belän Ärmänstan tışqı êşlär ministrı Zohrab Mnatsakanyan Tawlı Qarabax problemasın çişü barışı qısasında Franśiya başqalası Parijda küreşep söyläşkän.

Azärbaycan tışqı êşlär ministrlığı beldergänçä, oçraşuda yaqlar tağın da kübräk añlayış kürsätü häm ışanıç tudırunıñ ähämiyäten dä kertep bäyläneşle mäs’älälärdä fiker alışqan.

Yaqlar näticäle söyläşülärne kiläse ayda däwam itterü öçen kileşkän.

Oçraşuda ike yaq xalqın tınıçlıq, iminlek häm däwam itterelä ala torğan qalqınu öçen azerläw yulları da söyläşelgän.

 İke il tışqı êşlär ministrlarınıñ oçrşuında Awrupa iminlek häm xezmättäşlek oyışmasınıñ Minsk törkeme räistäşläre İgor Popov, Stefan Viskonti, Êndryu Şofer häm oyışmanıñ maxsus wäkile Andjey Kasprşik ta qatnaşqan.