Azärbaycan leytenantı şähit buldı

Azärbaycan Saqlanu ministrlığınnan yasalğan belderüdä çik buyınıñ Tovuz töbägendä kiçä başlanğan bäreleşlärneñ töne buyı däwam itüe assızıqlandı. 

Bäreleşlär waqıtında Azärbaycan armiyasınnan ber leytenantnıñ şähit buluı belderelde.

Azärbaycan ğaskäreneñ töne buyı tup, minomyot häm tank utı belän Ärmänstan armiyasınıñ nığıtmaların, artilleriya batareyaların häm caylanmaların yuqqa çığaruı citkerelde.

Belderüdä Ärmänstan yağınıñ can yuğaltuına qağılışlı mäğ’lümatlärne yäşerüe assızıqlandı. Wazğiyätneñ Azärbaycan ğaskäreneñ kontrole astında buluı, doşmanğa qarşı cinayät’ çaralarınıñ tormışqa aşırıluı belderelde.

Ministrlıq Ärmänstan armiyasına bäyle nığıtmalarğa oyıştırılğan höcümneñ dron belän töşerelgän videoyazma belän urtaqlaştı.

Ärmänstan ğaskäre kiçä çik buyınıñ Tovuz töbägendä Azärbaycan nığıtmalarına tup atışların da qullanıp höcüm kereşüen yasağan, Azärbaycan armiyasınıñ cawap birüennän soñ yuğaltular birep kire çigengän ide.

Bäreleşlär waqıtında Azärbaycan armiyasınnan 3 ğaskäri şähit bulğan, 4 ğaskäri yaralanğan ide.