Çıñğız Ӓytmӓtov iskä alındı
Qırğızstannıñ Oş şӓhӓrendӓ törle çaralar oyıştırıldı
Qırğızstannıñ kön’yağındağı Oş şӓhӓrendӓ yazuçı Çıñğız Ӓytmӓtov tuuınıñ 90 yıllığı uñayınnan iskӓ alu çaraları oyıştırıldı.
Oş Milli drama teatrında “Oş-Çıñğız Ӓytmӓtovnıñ yazmışında” isemle konferenśiya uzdı, şӓhӓr mӓydanında kürgӓzmӓ açıldı.
Çaralar qısalarında yazuçınıñ tormışın añlatuçı spektakl’ quyıldı. Ayıruçça ippodromda kök-börü milli at uyınnarınıñ finalı uzdı.
Dӓwlӓt başlığı Sooronbay Ceenbekov, Parlament başlığı Dastanbӓk Cumabekov, ministrlar, vilayӓt’ başlıqları qatnaşında uzğan çaralarğa ilneñ barlıq töbӓklӓrenӓn delegaśiyalӓr zur qızıqsınu kürsӓtte.
Xalıqara törki dönya mӓdӓniyӓt oyışması TÜRKSOYnıñ 2018ne Çıñğız Ӓytmӓtov yılı itep iğlan itüen xӓterlӓtkӓn Ceenbekov yazuçınıñ tuuınıñ 90 yıllığı uñayınnan Törkiyӓ, Üzbӓkstan, Rusiyӓ Federaśiyase, Qazaqstan hӓm Azӓrbaycanda dӓwlӓt dӓrӓcӓsendӓ iskӓ alınuın citkerde.
Bäyläneşle xäbärlär
Antaliyada - “Tuqay, quray, şiğır’”
Ğabdulla Tuqaynıñ tuğan köne uñayınnan Törkiyäneñ Antaliya şähärendä şiğır' kiçäse ütkärelä
