Finlyandiyadan İlham Şakirov istälege

TRT Tatar xezmätenä Helsinkidän Okan Daher cibärgän fotosürättä Finlyandiyadağı Ğabdulla Tuqay cämğiyäteneñ çaqıruı belän berençe märtäbä Qazannan fin ilenä kilgän tatar artistları häm Tuqay cämğiyäteneñ ul çaqtağı citäkçese Gömär Daher Prezident sarayında.

1968nçe yılnıñ 28nçe may könne Finlyandiya Däwlät başlığı Urho Kekkonen Qazan qunaqların häm fännär doktorı Gomär Daherne qabul itä.

Räsemdä (suldan uñğa): Venera Şaripova, Ayrat Arslanov, Ğomär Daher (qunaqlarnı İlbaşına tanıştıra), Ilham Şakirov (prezident belän küreşä), Röstäm Yaxin, Mars Makarov häm Morat Äxmätov.

Räsem Ğomär häm Xälidä Daherneñ ğailä fotoalbomınnan alındı.