Kiyevtӓ Qırım tatarlarınıň milli bayraq köne uňayınnan çara uzğan

Qırım tatarlarınıň milli bayraq köne uňayınnan Ukraina başqalası Kiyevtӓ çara uzğan.

Çarada Ukraina tışqı êşlӓr ministrı Dmitro Kuleba,anıň urınbasarı Emine Ceppar, Qırım tatar xalqı liderı Mostafa Abdülcӓmil Qırımoğlu hӓm Qırım tatar milli mӓclese başlığı Refat Çubarov qatnaşqan.

Tantanada Qırım tatarlarınıň altın taraq tamğalı bayrağın yuğarı kütӓrgӓnnӓr.   

Ukraina tışqı êşlӓr ministrı Kuleba biredӓ yasağan çığışında bu bayraqnıň Ukraina öçen zur ӓhӓmiyӓtkӓ iyӓ buluın belderep, “Qırımda qalğan tatarlarnıň xoquqların saqlaw hӓm Qırımnı  yawlap aludan qotqaru bezneň öçen hӓrwaqıt berençe urında toraçaq” digӓn.

Qırım tatar milli mӓclese başlığı Refat Çubarov :”Ukraina bayrağı belӓn Tatar bayrağınıň Qırımda cilferdӓwe qotılğısız“,-dip beldergӓn.

Ukraina ilbaşı idarӓseneň bu xaqtağı belderüenda  Qırım Tatar bayrağınıň Rusiya annekśiyӓlӓgӓn Qırım öçen körӓşne simvollaştıruı assızıqlana.

Belderüdӓ “Yawlap alınğan Qırımda tatarlar Ukrainanıň anıq totışı arqasında êzӓrleklӓw -küzӓtü hӓm diskriminaśiyӓgӓ duçar bula. Sӓyӓsi totqınnarnıň küberse - Qırım tatarları” diyelӓ.

Qırım tatarlarınıň milli bayrağı 1991 nçe yılnıň 26 nçı iyünendӓ cıyılğan Qırım tatar milli qorıltayında milli bayraq bularaq qorıltay zalına êlenӓ.

Qorıltay 2010 nçı yılda 26 nçı iyün’ne Qırım tatarlarınıň milli bayraq köne itep iğ’lan itte hӓm ul waqıttan birle ӓlege kön Qırım tarlarınıň milli bayraq köne itep qotlana.