Qazan yaña yılğa äzerlänä

Turktatar.com beldergänçä Qazan yaňa yılğa äzerlänä. Başqalağa kilgän turistlar meň yıllıq şähärneň tarixi urınnarın gizä alaçaq häm tatar aş-suları belän tanışaçaq.

Qazan şähär xaqimiyäteneň Turizmnı üsterü komitetı başlığı Darya Sannikova Qazanğa kiläçäk 3 millionınçı turist proyektına qarağan matbuğat oçraşuında yaňa yılğa äzerleklär belän bäyle mäğlümat birde.

Ul beldergänçä Qazannıň uram häm prospektları bizälep, tatar mädäniyäten çağıldıraçaq yärminkä urınnarı açılaçaq.

Şul uq waqıtta bu yärminkä urınnarında quldan êşlänmälär belän tatar aş-suları täqdim iteläçäk.

Tatarstan başqalası Qazanda yaňa yıl yärminkäläre turistlarnıň populyar urını bulğan cirlärdä açılaçaq.

Yärminkälärneň töp teması – şähärgä kilüçelärneň tatar täm-tomnarı häm mädäniyäte belän tanışuı.

Sannikova yärminkälärneň tradiŝion Awrupa törendä oyıştırılaçağın häm qorılaçaq yaňa yıl yärminkä urınnarınıň Tatarstannıň tösle mädäniyäten turistlarğa iň matur räweştä çağıldıraçağın belderde.

Turizm komitetı başlığı äytüençä bolarğa östämä bularaq yaňa yıl qotlawlarında şähärneň här qunaqxanä häm restoranında Rusiyä pop cırçıları qatnaşaçaq tematik kiçälär uzaçaq.

Darya Sannikova: “Bez Qazannı canlandırırğa telibez. Şähär ayıruça matur yaqtırtılıp, härkemneň iğtibarın cälep itäçäk,” – dide.