Qazaqstan ilbaşı Slovakiya prem’yer-ministrın qabul itkän
Alar säwdä häm iq’tisadi mönäsäbätlärne üsterü turında süz alıp barğan
Qazaqstan ilbaşı Nursoltan Nazarbayev räsmi säfär belän ilenä kilgän Slovakiya prem’yer-ministrı Peter Pellegrinine qabul itkän.
İlbaşı idaräse beldergänçä, oçraşuda Qazaqstan belän Slovakiya arasında säwdä häm iq’tisadi mönäsäbätlärne üsterü turında süz barğan, şulay uq könüzäk mäs’älälär dä qaralğan.
Nazarbayev Pellegrini säfäreneñ ike il mönäsäbätlären kamilläşterüne tizlätäçägen beldergän.
Pellegrini dönyada xalıqara dialog buldıruda Qazaqstannıñ zur rol’ uynawın belderep,”Ber poyas, ber yul” proyektın da kertep, awıl xucalığı, sänäğät’,transport häm logistika tarmaqlarında xezmättäşlek başqarırğa teläwlärenä basım yasağan.
Bäyläneşle xäbärlär
Antaliyada - “Tuqay, quray, şiğır’”
Ğabdulla Tuqaynıñ tuğan köne uñayınnan Törkiyäneñ Antaliya şähärendä şiğır' kiçäse ütkärelä
