Qazaqstan - qoş grippı küzätelmägän il

Bötendönya xaywan sälamätlegen saqlaw oyışması Qazaqstannı qoş grippı küzätelmägän il itep iğ’lan itkän.

Qazaqstan awıl xucalığı ministrlığı monı ministrlıq häm veterinariya oyışmalarınıñ näticäle êşçänlege dip bäyälägän.

Ministrlıqnıñ bu xaqtağı belderüendä qoşçılıq tarmağınıñ ildä awıl xucalığı sänäğäteneñ möhim öleşe buluı belderelä ,Qazaqstannıñ qoş grippı kürelmägän il itep iğ’lan itelüeneñ awıl xucalığı êşlänmäläre êksportına häm il iq’tisadına uñay yoğıntı yasawı citkerelä.

Dönya külämendä xaywannar sälamätlegen yaxşırtudan cawaplı Bötendönya xaywan sälamätlegen saqlaw oyışması Franśiya başqalası Parijda urnaşqan.