Qazaqstanda 1500 tiräse öy su astında
Awıllardan 15 786 keşe êvakuaśiyalängän
Qazaqstandağı taşqınnarda yaqınça 1500 tiräse öy su astında qaldı.
Prem’yer-ministr Oljas Bektenov räislegendäge kabinet su basu kön tärtibe belän cıyıldı.
“Qış aylarında küp qar yawu häm yaznıñ irtä kilüe ayıruça könbatışta zur su basularğa kiterde,” – dide ul.
Qayber urınnarda transport asqorıması da zıyan kürgän.
İlneñ Ğadättän tış xällär ministrı urınbasarı Baurcan Sızdıkov bügengä qadär awıllardan 15 786 keşene êvakuaśiyaläwlären belderde.
Qazaqstanda 50 awılğa yullar yabılğan. Älege toraq punktlarına azıq-tölek häm darular boralaqlar belän ireşterelä.
Su çığanaqları häm suğaru ministrı Nurcan Nurjigitov isä qar suınıñ ildäge zur böyälärne tutıruın citkerde.
Su basuğa kirtä quyu öçen böyälärdä täwlek buyı dejur toralar.
Könbatış häm könçığış töbäklärendäge böyälärdä su buşaru êşläre alıp barıla.
