Qazaqstanda qar suları taşıp kitkän
Qazaqstanda êregän qar suınıñ awıllarğa taşıp kitüe näticäsendä 2 meñnän kübräk keşe êvakuaśiyälängän bulsa, qayber vilayätlärdä "töbäk masştabında" ğadättän tış xäl iğ’lan itelgän
Qazaqstan bik küp qar yawğan qıştan soñ kilep citkän yaz hawası belän kinät êregän qar suı belän köräş alıp bara.
Qar suınıñ taşuı näticäsendä qayber awıllarnıñ tulısınça su astında qaluı belderelä.
İlneñ kön’yaq, könbatış belän könçığış öleşlärendä avtoyullarnıñ häm küperlärneñ dä su astında qaluı arqasında qayber awıl cirlärenä barıp citü qıyınlaşqan.
Qazaqstan ğadättän tış xällär ministrlığınnan yasalğan belderüdä dä Törkistan, Aqtübä, Kostanay häm Könbatış Qazaqstan vilayätlärendä sular astında qalğan awıllardan 2 meñ 54 keşeneñ, şul isäptän 613 balanıñ êvakuaśiyälänelüe äytelde.
İldä 1 million 700 meñ kub metrdan kübräk êregän qar suı suırtılğan.
Su basudan iñ küp täêsirlänän Könbatış Qazaqstan, Abay, Aqtübä häm Kostanay vilayätlärendäge qayber toraq punktlarda regional’ külämdä ğadättän tış xäl iğlan itelgän.
